Fizika

Kursning maqsadi:

Fizika grekcha «physis» – tabiat degan so‘zdan olingan bo‘lib, tabiat haqidagi fan degan ma’noni anglatadi. Inson o‘zini o‘rab turgan tabiat haqidagi bilimlarni yashash uchun bo‘lgan ayovsiz kurashlar jarayonida o‘rganib borgan va haligacha yerning va koinotning sir-u sinoatlarini o‘rganib kelmoqda. Biz sizga taqdim etayotgan Fizika fanidan videokurs Kinematika, Dinamika, Statika, Saqlanish qonunlari, Mexanik tebranishlar, Molekulyar fizika, Termodinamika, Elektr, Magnitizm, Optika va Zamonaviy fizika bo‘limlaridan tashkil topgan bo‘lib, sizga mustaqil ravishda chuqurroq va qiziqroq tartibda o‘zlashtirishga yordam beradi. Videokursda maktab va akademik litsey darsliklaridagi barcha mavzular qamrab olingan bo‘lib, har bir video maruzadan so‘ng, maruza matnlarni o‘qishingiz va darslarni o‘zlashtirish darajangizni tekshirish uchun testlarni ishlab ko‘rishingiz mumkin. Shu tartibda mavzularni o‘rganish materialni to‘liq tushunish va mavzular o‘rtasidagi bog‘liqlikni his etishni sezilarli darajada osonlashtiradi. Darslikka to‘lov o‘tkazishdan avval bepul demo darsni ko‘rib, videokurs haqida kengroq tushuncha olishingiz mumkin.